Beint á efnisyfirlit síðunnar

Framkvæmdaáætlun Stúdentagarða

Hjónagarðar:

Vinnu utanhúss er lokið, þ.e. við þak, glugga, múrverk og svalalokun með gleri. Sameiginlegt rými innandyra hefur verið endurnýjað, þ.e. leikrými fyrir börn, íbúasalur, setustofa, hjólageymslur og þvottahús. Því má segja að Hjónagarðar séu sem nýir að utan og í sameign.

Unnið er við upptektir á íbúðum og mun sú vinna standa yfir fram í september 2019 samkv. eftirfarandi áætlun.

 

Þessari vinnu er skipt upp í áfanga til að lágmarka ónæði gagnvart íbúum hússins en fjórum áföngum er nánast lokið. Þó á eftir að dúkaleggja nokkra ganga. Síðustu tveir áfangarnir eru eftirfarandi:

Áfangi 5: Eggertsgata 4; íbúðir 158-161 og 257-262, janúar 2019, áætluð verklok mars 2019.

Áfangi 6: íbúðir sem tilheyra Eggertsgötu 4; 151-156, 251-256, 351-356, mars 2019, áætluð verklok í ágúst 2019.


Á sama tíma verða gangar hússins endurnýjaðir.

 

Leigugrunnur hverrar íbúðar mun hækka um 12.500 kr. haustið 2019, þegar upptekt á öllu húsinu er lokið.

Djúpgámar voru settir niður við Hjónagarða og á milli Hjóna- og Vetrargarðs haustið 2018, frágangur á sér stað í janúar 2019.

 
Framkvæmdaáætlun er birt með fyrirvara um breytingar.
Íbúar á Hjónagörðum eru beðnir um að kynna sér framkvæmdaáætlun Vísindagarða einnig, sjá neðar.
 
 
Vetrargarður: 
Á vormisseri 2018 hófst vinna á Vetrargarði við að skipta um hluta þaks. Þakið verður tekið í 4-6 áföngum næstu sumur. Byrjað var á húsi 6-8, þ.e. neðra þak bílastæða megin. Samhliða því verða þakgluggar á gangi endurnýjaðir. Farið verður réttsælis í kringum húsið frá Eggertsgötu 6. Gluggar á hliðum byggingarinnar þar sem þakviðgerðir fara fram verða málaðir.
Sjá mynd, rauði ramminn afmarkar fyrsta áfanga verksins sem átti sér stað sumarið 2018. Næsti hluti verður tekinn sumarið 2020.
 
 
Endurnýja þarf gólf og setja gólfhita áður en nýtt gólfefni er lagt, á fyrstu hæð Vetrargarðs. Verkinu verður skipt í nokkra áfanga. Þegar er búið að taka gólfefni af gangi á Eggertsgötu 6 (E6) og hluta af E8 og E10. Eftir á að taka part við stigahúsið í E8 og í E10. Við endurnýjun er byrjað á Sólgarði (leikskólanum) og þaðan farið í nr. 6 og að stigahúsi á nr. 8. Miðað er við að gólfframkvæmdir og þakframkvæmdir verði ekki á sama húshluta á sama tíma.  Ekki liggur fyrir nákvæm áætlun, þ.e. hvenær verkið verður unnið/klárað á hverjum stað, en það verður tilkynnt fyrir hvern áfanga.
 
Íbúasalur hússins, sem er í E8, var endurnýjaður á haustmisseri 2018 og tókst afskaplega vel upp. 

Djúpgámar voru settir niður við Hjónagarða og á milli Hjóna- og Vetrargarðs haustið 2018, frágangur á sér stað í janúar 2019.

Framkvæmdaáætlun er birt með fyrirvara um breytingar.
Íbúar á Vetrargarði eru beðnir um að kynna sér framkvæmdaáætlun Vísindagarða einnig, sjá neðar. 
 
Ásgarðar 

Djúpgámar verða settir niður í hverfinu, við Eggertsgötu 24. Tímasetning liggur ekki fyrir en verkið tekur u.þ.b 6 vikur. Verkinu fylgir töluverður hávaði í einhverja daga.

Íbúar á Ásgörðum eru beðnir um að kynna sér einnig framkvæmdaáætlun Vísindagarða, sjá neðar.

Framkvæmdaráætlun er birt með fyrirvara um breytingar.

 
Vísindagarðar, við Sæmundargötu og Eggertsgötu
Hlutverk Vísindagarða Háskóla Íslands er að vera alþjóðlega viðurkenndur vettvangur tækni- og þekkingarsamfélags á Íslandi sem á virkan hátt hlúir að og tengir saman frumkvöðla, fyrirtæki, háskóla, stofnanir og aðra hagsmunaaðila sem vinna að því að stórefla hagnýtingu rannsókna, nýsköpun og viðskiptaþróun til hagsældar og heilla fyrir land og þjóð (tekið af heimasíðu verkefnisins). 
Ýmsar framkvæmdir fara nú fram á Vísindagarðasvæðinu. Þar af er unnið að framkvæmdum við byggingu nýrra stúdentagarða. Er sú framkvæmd aðeins um 10% af heildarsvæðinu. 
Sjá mynd af Vísindagörðum hér að neðan, þar sem Alvogen er efst til vinstri, stúdentagarðurinn neðst til vinstri og Íslensk erfðagreining efst til hægri.

Alvogen efst t.v., stúdentagarðurinn neðst t.v. og Íslensk erfðagreining efst t.h. 
 
Næstu árin mun þekkingarþorp rísa á svæðinu og framkvæmdir verða því margvíslegar.
http://visindagardar.is/forsida/um-visindagarda-hi/framkvaemdir-a-svaedinu/
Meira um Vísindagarða: http://visindagardar.is/ 

Framkvæmdaráætlun er birt með fyrirvara um breytingar.