Framkvæmdaáætlun

Framkvæmdaáætlun

Framkvæmdaáætlun Stúdentagarða er birt með fyrirvara um breytingar

 

Hjónagarðar

Búið er að endurnýja Hjónagarða að fullu, þ.e. ytra og innra byrði en verið er að dúkaleggja ganga á nokkrum stöðum. Á Hjónagörðum er því nýtt múrverk, þak, gluggar og svalalokun með gleri. Sameiginlegt rými innandyra hefur verið endurnýjað, þ.e. leikrými fyrir börn, íbúasalur, setustofa, hjólageymslur og þvottahús. Upptekt á íbúðum lauk seinni hluta árs 2019.

Djúpgámar voru settir niður við Hjónagarða og á milli Hjóna- og Vetrargarðs haustið 2018, frágangur átti sér stað í mars 2019.

Íbúar á Hjónagörðum eru beðnir um að kynna sér framkvæmdaáætlun Vísindagarða (sjá neðar).

 
Vetrargarður

Á vormisseri 2018 hófst vinna á Vetrargarði við að skipta um hluta þaks. Þakið verður tekið í 4-6 áföngum næstu sumur. Byrjað var á húsi 6-8, þ.e. neðra þak bílastæða megin. Samhliða því verða þakgluggar á gangi endurnýjaðir. Farið verður réttsælis í kringum húsið frá Eggertsgötu 6. Gluggar á hliðum byggingarinnar þar sem þakviðgerðir fara fram verða málaðir.
Rauði ramminn á mynd afmarkar fyrsta áfanga verksins sem átti sér stað sumarið 2018. Næsti hluti verður tekinn sumarið 2020.
 

 
Endurnýja þarf gólf og setja gólfhita áður en nýtt gólfefni er lagt, á fyrstu hæð Vetrargarðs. Verkinu verður skipt í nokkra áfanga. Þegar er búið að taka gólfefni af gangi á Eggertsgötu 6 (E6) og hluta af E8 og E10 en enn á eftir að taka part við stigahúsið í E8 og í E10. Við endurnýjun er byrjað á Sólgarði (leikskólanum) og þaðan farið í E6 og að stigahúsi á E8. Miðað er við að gólfframkvæmdir og þakframkvæmdir verði ekki á sama húshluta á sama tíma. Ekki liggur fyrir nákvæm áætlun, þ.e. hvenær verkið verður unnið/klárað á hverjum stað, en það verður tilkynnt fyrir hvern áfanga.
 
Íbúasalur hússins, sem er í E8, var endurnýjaður á haustmisseri 2018 og tókst afskaplega vel upp. 
Djúpgámar voru settir niður við Hjónagarða og á milli Hjóna- og Vetrargarðs haustið 2018, frágangur átti sér stað í mars 2019.

Íbúar á Vetrargarði eru einnig beðnir um að kynna sér framkvæmdaáætlun Vísindagarða (sjá neðar).

 
Ásgarðar 

Djúpgámar verða settir niður í hverfinu. Tímasetning og staðsetning liggur ekki fyrir en verkið tekur u.þ.b 6 vikur og er í skoðunarferli. Verkinu fylgir töluverður hávaði í einhverja daga. Íbúar verða látnir vita þegar áætlun framkvæmdanna er ljós.

Íbúar á Ásgörðum eru einnig beðnir um að kynna sér framkvæmdaáætlun Vísindagarða (sjá neðar). 

Vísindagarðar

við Sæmundargötu og Eggertsgötu

Hlutverk Vísindagarða Háskóla Íslands er að vera alþjóðlega viðurkenndur vettvangur tækni- og þekkingarsamfélags á Íslandi sem á virkan hátt hlúir að og tengir saman frumkvöðla, fyrirtæki, háskóla, stofnanir og aðra hagsmunaaðila sem vinna að því að stórefla hagnýtingu rannsókna, nýsköpun og viðskiptaþróun til hagsældar og heilla fyrir land og þjóð (tekið af heimasíðu verkefnisins). 

Ýmsar framkvæmdir fara nú fram á Vísindagarðasvæðinu. Þar af er unnið að framkvæmdum við byggingu nýs stúdentagarðs. Er sú framkvæmd aðeins um 10% af heildarsvæðinu. Nýr Stúdentagarður opnar í janúar 2020. Aðrar framkvæmdir á svæðinu eru ekki í höndum Stúdentagarða. 

Sjá mynd af Vísindagörðum hér að neðan, þar sem Alvogen er efst til vinstri, stúdentagarðurinn neðst til vinstri og Íslensk erfðagreining efst til hægri.


 
Næstu árin mun þekkingarþorp rísa á svæðinu og framkvæmdir verða því margvíslegar, bæði rísa nýjar byggingar og gatnaframkvæmdir verða á svæðinu. Hér er hægt að lesa meira um framkvæmdir Vísindagarða á háskólasvæðinu.